اسيا تحجي عراقي

اااااااالف اااااااااالف مبروووووووووووك لكل العراقيين اللي بالعراق واللي برة العراق
وان شاء الله عقبال الفرحة الكبرى بالتحرير وطرد المحتل واذنابه

والله ما اكدر اوصفلكم الفرحة الدموع غلبت كلشي

طبعاً اني مغترب مؤقت هنا بحلب بس اليوم شفت اللعبة بالسينما الحمدلله 500 مقعد كلها عراقيين وهوسة وصياحات حسيت انه احنا بالملعب وبالعراق

ما اكدر اوصفلكم اللي صار
الفرحة متنوصف جان ناقصها بس ان نكون فوك تراب الوطن

وطبعاً من صفر الحكم الى قبل لحظات احنا بالشوارع ما خلينا فرع بحلب ما طبيناه ونورناه براية الله وأكبر والهوسات

الكل جان يهوس للعراق مو لشيء ثاني ما احد يونس سني وكرار شيعي وهوار كردي الكل جان يكول هذولة يمثلون العراق ويحملون اسم العراق

فرحنا ويا يونس من سجل الهدف وزعلنا ويا كرار من لعب طوبة بالدفاع السعودي بس للأسف الكرة ابعدها الحارس
وتألمنا ويا باسم لما تألم
احب اكول انه مهما صار احنا عراقيين قبل كلشي وهالشيء بس لازم يخلينا نرفع راسنا دائماً

ااااااااااااااالف اااااااااااااااالف مبروك لكل العراقيين من شرق الارض الى غربها لأن ادري العراقيين بالغربة اكثر من عراقيي الداخل

ويارب البسمة والفرح ما تموت ابد يمنا


وفعلاً ابطالنا اثبتوا ان القهر يصنع الابداع











اخوكم
حسين

والله
مااكدر اووصف شنو احجي
بس الف مبروووك لكل العراقييين
والله يحفظ هذولة اللي شكد عددهم المنتخب 22 واحد
الاساسسيين والاحتياط
كلهم تعبوا وكلهم وصلوا وكلهم يستحقوون
وماحد يكدر يكول انه السعودية او اي دولة ثانية انه العراق مايستحق الصعود والكاس
لانه تعبوا تعب ولعبوا لعب مصايررر
واول مرة اشوفهم انه همه 96 دقيقة يركضون عبالك هستوها المباراة بادية
الف مبرووك عليهم ويستحقون ويستاهلون كلشي حصلوه وراح يحصلوه
والشكر الهم لانه فرحوا العراقيين
والف مبروك ع الشعب العراقيين لانه اثبت انه مهما جانت ظروف الرجال يبقون موجودين
بس قله

والله احنه بالشارقة انكلبت كلببب
وجااان فد شي كلش حلوووووووو

وعلى كولة حسام احنه للي اسسنه الملعب واحنه النلعب بيه